Најновите истражувања го поврзуваат зголеменото ниво на естроген  како можна причина за појава на карцином на гради и кај машката популација. Според новите податоци, ризикот кај овие мажи е зголемен за два ипол пати за разлика од мажите со нормални вредности на естроген.

Одговор:За време на целиот процес на дијагноза и третман ќе бидете следен од страна на вашиот лекар кој е одговорен за вашето здравје. Тој внимателно ќе ја следи вашата состојба по завршувањето со третманот. Во зависност од резултатите и одговорот на терапијата, ќе ви даде план за следење на вашата состојба.

Редовното вежбање ги намалува негативните ефекти од третманот како што се заморот и депресијата и го намалува ризикот за повторно појавување на болеста. Голем број научни истражувања укажуваат дека пациентите дијагностицирани и лекувани од канцер треба секоја недела да применуваат 150 минути умерени вежби, вежби за истегнување или пак 75 минути интензивна физичка активност.

Карциномот на проста се развива во жлездата наречена простата. Таа е со големина на костен и се наоѓа точно под мочниот меур. Оваа жлезда произведува дел од течностите во спермата. По канцерот на кожа, овој тип канцер е најчест меѓу машката популација. Канцерот на простата се развива бавно, без да направи притоа сериозни нарушувања. Но постојат и типови канцер на простата кои се агресивни и се шират брзо.